Rúmlega fertugur karlmaður var fluttur á bráðamóttöku Landspítalans í Fossvogi um helgina eftir mótorhjólaslys. Í skeyti frá lögreglunni á Suðurnesjum kemur fram að maðurinn hafi verið á ferð á Nesvegi ásamt félögum sínum þegar slysið varð.
Missti ökumaður vélhjólsins stjórn á því með þeim afleiðingum að það lenti utan vegar. „Maðurinn hentist fram af því og flaug eina sjö metra. Meiðsl hans voru minni en óttast var í fyrstu. Allir voru félagarnir með hjálma og hlífðarbúnað.“
Fleiri umferðaróhöpp hafa verið skráð hjá lögreglunni á Suðurnesjum á undanförnum dögum en, sem betur fer, engin alvarleg slys á fólki.
