Eigendur Tölvutek munu í dag óska eftir því við héraðsdóm að fyrirtækið verði tekið til gjaldþrotaskipta. Þetta kemur fram í fréttatilkynningu.
Tækniverslunin Tölvutek skellti óvænt í lás í gær. Samkvæmt starfsmönnum fyrirtækisins kom ákvörðunin ekki á óvart þar sem þeir hefðu fengið veður af slæmum rekstrarhorfum fyrirtækisins. Nú hafa eigendur verslunarinnar gefið út að fyrirtækið er að fara í þrot. Samkvæmt fréttatilkynningu tókst ekki að ná samkomulag við viðskiptabanka félagsins um áframhaldandi lánsheimildir.
Tölvutek opnað fyrst fyrir 13 árum síðan. Hjá fyrirtækinu störfuðu um 40 talsins sem allir hafa nú misst vinnuna. Samkvæmt tilkynningu voru laun gerð upp við alla starfsmenn.
„Mikill missir er að hverjum og einum starfsmanni, en sumir þeirra hafa starfað hjá félaginu frá upphafi. […] Reynt hefur verið eftir fremsta megni að lágmarka tjón viðskiptavina af lokun fyrirtækisins, en ljóst að þeir sem eftir sitja verða að gera kröfu í bú þess hjá skiptastjóra.“
Eigendur Tölvuteks þakka viðskiptavinum í tilkynningu fyrir samfylgdina og velvild í þeirra garð.