Öryggisvörður í matvöruverslun í Kópavogi kallaði eftir aðstoð lögreglu í gær vega konu sem hann grunaði um þjófnað. Þetta kemur fram í dagbók lögreglu. Konan brást illa við afskiptunum og kom til minniháttar átaka sem lauk með því að konan beit öryggisvörðinn í handlegg. Beit konan svo fast að öryggisvörður þurfti að leita á slysadeild. Lögregla handtók konuna og færði á lögreglustöð þar sem hún viðurkenndi þjófnað.
Alls voru 63 mál bókuð hjá lögreglunni á höfuðborgarsvæðinu frá klukkan 17:00 – 05:00. Þar af voru þrír handteknir grunaðir um akstur undir áhrifum áfengis eða fíkniefna og þrír handteknir grunaðir um líkamsárás eða heimilisofbeldi.