Útför hjónanna, Ægis-Ib Wessman, Ellenar Dahl Wessman, og sonar þeirra, Jon Emils Wessman, fer fram frá Hallgrímskirkju í dag klukkan 13:00. Greint er frá þessu í Morgunblaðinu í dag þar sem aðstandendur og vinir minnast þeirra í minningargreinum.

Ægir, Ellen og Jon Emil létu lífið í flugslysi þann 9. júní við Múlakot í Fljótshlíð. Ægir og Ellen skilja eftir sig einn son og eina dóttur.

Ægir Ib, fæddur 1963, var flugmaður og starfaði meðal annars sem flugstjóri hjá WOW air, Jon Emil, fæddur 1998, var að feta sömu braut og var í atvinnuflugnámi við Flugskóla Íslands og Ellen, fædd 1964, var sjúkraþjálfari .

Við sendum aðstandendum innilegar samúðarkveðjur.