Í dag birti Menntamálastofnun hvaða framhaldsskólar fengu flestar umsóknir um skólavist. Í tilkynningu stofnunarinnar kom fram að 95% nemenda sem luku námi við grunnskóla hafi sótt um framhaldsskóla.
Verzlunarskóli Íslands, Menntaskólinn við Sund og Kvennaskólinn í Reykjavík fengu flestar umsóknir.
Nemendum gefst kostur á að velja tvo skóla, setja annan þeirra í fyrsta val og hinn þeirra í annað val. Verzlunarskóli íslands fékk flestar umsóknir í fyrsta val en Kvennaskólinn í Reykjavík fékk flestar umsóknir í annað val.
Alls sóttu 4077 nemendur um skólavist í framhaldsskóla en 165 nemendur fengu ekki skólavist í þeim skólum sem þau sóttu um.