Krem við lúsmýsbiti kláruðust í lyfjaverslunum helgina og fjöldi fólks leitaði á læknavaktir. Sérfræðingur segir að lúsmýið sé komið til að vera og fólk þurfi einfaldlega að venjast því. Þetta kom fram í fréttum Stöðvar 2 í kvöld.
Lúsmý eru örsmáar flugur, aðeins um 1,5 millimetrar. Þetta eru blóðsugur sem nærast á öðrum smádýrum, fuglum og spendýrum. Kjörskilyrði lúsmýsins eru hlýindi, þurrkur og kyrrviðri eins og ríkti á höfuðborgarsvæðinu síðustu daga allt þar til í dag. Lúsmýið leitar inn í hús og bítur fólk um nætur. Sérfræðingur í viðtali við Stöð 2 sagði að hægt væri að verjast lúsmýinu með því skapa vind í húsum, hafa til dæmis borðviftu í gangi nálægt rúmi.
Hann sagði að lúsmýið væri komið til að vera og myndi dreifast um allt land. Íslendingar yrðu að venjast því eins og nágrannaþjóðirnar.