Fréttablaðið skýrir frá þessu í dag. Haft er eftir Gunnari Erni Gunnarssyni, framkvæmdastjóra fyrirtækisins, að það hefði ekki sótt um rannsóknarleyfið nema það teldi svæðið áhugavert. Hann sagði að fyrirtækið telji að svæðið geti staðið undir allt að 100 MW virkjun af uppsettu afli en það hafi þó ekki verið rannsakað.
Haft er eftir Gunnari Erni að stefnt sé á að rannsóknir hefjist á þessu ári en leyfið gildir til ársloka 2021. Stefnt sé á að einhverjar niðurstöður liggi fyrir innan þess tíma um hvort svæðið sé áhugavert eða ekki. Ef það sé áhugavert taki langt ferli við.
Rannsóknir sem íslenskar orkurannsóknir (ÍSOR) gerðu á svæðinu gáfu einhverjar vísbendingar um stöðuna á því. Haft er eftir Gunnari að farið verði í þessar rannsóknir í einhverju samstarfi við ÍSOR.