Frystiklefanum á Rifi, leikhúsi og listamannasetri á Rifi á Snæfellsnesi, þykir miður að Rif sé ekki að finna á ferðamannakortinu sem Markaðsstofa Vesturlands gefur út í ár. Þetta kemur fram í færslu á Facebook.

Fyrir þá sem ekki þekkja til staðhátta þá er Rif þorp á Snæfellsnesi, milli Hellisands og Ólafsvíkur. Rif á sér merkilega sögu og er meðal annar upphafsstaður saltfisksverslunar á Íslandi.

Það kom því Fyrstiklefanum á óvart að sjá Rif hvergi merkt á áðurnefndu ferðamannakorti.

Frystiklefinn reiknar með að það sé vegna þess að ekki hafi verið keyptar auglýsingar á kortinu þetta árið.

„Ástæðan fyrir því er einföld. Okkur fannst við ekki fá neitt útúr því“

Frystiklefinn telur sig hafa staðið sína pligt í að upphefja og skipuleggja viðburði fyrir Vesturland undanfarinn áratug og það se afskaplega leiðinlegt að heilt þorp gjaldi fyrir það að eitt fyrirtæki kaupi ekki auglýsingu.

„Afskaplega leiðinlegt að heilt þorp hafi þurft að líða fyrir það að við vildum ekki borga fyrir auglýsingu. Rif er samt ennþá partur af Vesturlandi og því frekar lélegt að götukortið af þorpinu hafi verið strokað út.“

Telur Frystiklefinn að það liggi því beinast við að Markaðsstofa Vesturlands skipti um nafn.

„Spurning um að breyta nafninu á Markaðsstofu Vesturlands í „Markaðstofa þeirra fyrirtækja á Vesturlandi sem hafa efni á því að borga fyrir auglýsingar.“

Bara hugmynd.“

Frystklefinn ítrekar í færslu sinni að Rif sé vissulega enn til og þar sé dásamlegt að vera.

„Allavega, sjáumst á alþjóðlegri götulistahátíð á Hellissandi um næstu helgi (sem við skipulöggðum og stöndum fyrir í þágu menningar og ferðamennsku á Vesturlandi). Já og við ítrekum að RIF ER ENNÞÁ TIL og þar er dásamlegt að vera.“