Þetta kemur fram í lýðheilsuvísum Landlæknisembættisins fyrir 2019. Fréttablaðið skýrir frá þessu. Haft er eftir Önnu Sigríði Jóhannesdóttur, bæjarfulltrúa og fulltrúa Lýðheilsuráðs Suðurnesja, að ekki liggi ein ástæða að baki þessu háa hlutfalli ungra mæðra á Suðurnesjum.
„Við erum að stækka mjög hratt og hér býr mikið af ungu fólki. Einnig hefur heilsugæslan hér setið á hakanum miðað við önnur bæjarfélög og góð heilsugæsla er stór þáttur í því að auka heilsueflingu allra bæjarbúa.“
Er haft eftir henni. Aðspurð sagði hún að mikið hafi verið lagt í að auka forvarnir, menntun og atvinnutækifæri og stefnt sé að fjölgun starfa sem krefjast háskólamenntunar. Þá hafi einnig verið unnið að eflingu geðheilsu bæjarbúa en áhersla sé lögð á andlega og líkamlega heilsu á Suðurnesjum.