Guðjón Kristófer nokkur á Twitter greinir frá því að honum hafi borist, á fremur stuttum tíma, samtals 35 SMS. Öll næstum alveg eins. Samkvæmt skjáskoti eru SMS-in send af Neyðarlínunni.
„Takk @logreglan fyrir að senda mér þetta sms 35 sinnum!? og auðvitað á 2 tungumálum,“ skrifar Guðjón. SMS-in 35 hljóða svo: „Frá almannavörnum og slökkviliðsstjóra. Vegna þurrka og hættu á gróðureldum í Skorradal er fólk beðið að sýna sérstaka aðgát varðandi eldhættu. Lítill neisti getur gert mikið bál, förum varlega og góða helgi.“
Lögreglan sjálf svarar tísti Guðjóns og er svarið kostulegt: „Sæll Gudjon. Ekkert að þakka. En var þetta nóg? Ertu enn að grilla? #36sinnum“
Sæll Gudjon.
Ekkert að þakka. En var þetta nóg? Ertu enn að grilla? #36sinnum— LRH (@logreglan) June 12, 2019