fbpx
Mánudagur 17.júní 2019

DV - Frjáls og óháður miðill

Fréttir

Allt á floti í Bretlandi – „Hvað varð eiginlega um sumarið?“

Ritstjórn DV
Þriðjudaginn 11. júní 2019 10:27

Ekki missa af Helstu tíðindum dagsins í pósthólfið þitt

Lesa nánar

„Milljónir Breta munu upplifa enn eitt ömurlegt ferðalagið í vinnu í dag eftir að skyndiflóð víða gerðu það að verkum að vegir fóru í kaf – von er á enn meiri hellidembu í dag.“

Um það bil svona hefst frétt á vef Mail Online um veðrið í Bretlandi sem hefur ekki verið beint upp á marga fiska að undanförnu. Úrhellisrigning hefur gert íbúum víða lífið leitt, til dæmis í Kent og í Miðlöndunum. Þar hefur lögregla varla haft undan við að svara íbúum sem hafa tilkynnt um vegi sem eru á floti eða hálfpartinn í kafi.

Von er á talsverðri rigningu í norðausturhluta Englands í dag og í Miðlöndunum. Hafa íbúar á þessum svæðum tjáð sig um veðrið á Twitter, einhverjir hafa talað um að smíða bát til að komast á milli staða á meðan aðrir spyrja hvað hafi eiginlega orðið um sumarið.

Á meðan allt er á floti í Bretlandi er sumar og sól á Íslandi eins og landsmenn hafa tekið eftir. Á suðvesturhorninu hefur varla dregið fyrir sól í um hálfan mánuð og von er á góðu veðri áfram.

„Víðáttumikið hæðasvæði ræður ríkjum yfir Íslandi og er því frekar hægur vindur og víða bjart í veðri í dag. Sá galli er á gjöf Njarðar að með þessu hæðasvæði fylgja þokubakkar með ströndinni, sérstaklega N- og V-lands, en sólin mun líklega ná að bræða þá af sér yfir daginn. Á morgun snýst í norðvestlæga átt og þykknar upp um landið N-vert með lítilsháttar rigningu NA-til annað kvöld, en þar styttir þó upp á fimmtudaginn. Á morgun stefnir í hlýnandi veður um landið S-vert og líkur á að hæstu hitatölur fari yfir 20 stig,“ segir í hugleiðinum veðurfræðings á vef Veðurstofu Íslands.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Lögreglan lýsir eftir Heiðrúnu- Uppfært: Heiðrún fundin

Lögreglan lýsir eftir Heiðrúnu- Uppfært: Heiðrún fundin
Fréttir
Í gær

Segir samfélagið fordómafullt gagnvart öldruðum: „Feluleikur og þöggun er ekki heppileg“

Segir samfélagið fordómafullt gagnvart öldruðum: „Feluleikur og þöggun er ekki heppileg“
Fréttir
Fyrir 2 dögum

41 mál bókað hjá lögreglu frá miðnætti – Grunur um miðnæturgrill

41 mál bókað hjá lögreglu frá miðnætti – Grunur um miðnæturgrill
Fréttir
Fyrir 2 dögum

Frelsissvipt af barnsföður sínum – Borin út af heimilinu nakin, blóðug og marin

Frelsissvipt af barnsföður sínum – Borin út af heimilinu nakin, blóðug og marin