Jarðskjálfti sem mælingar benda til að hafi verið um 8 á richter varð núna í morgun nálægt Perú í Suður Ameríku.
Upptök skjálftans voru á um 105 kílómetra dýpi. Engar tilkynningar hafa borist um tjón á mönnum eða byggingum, en það gæti skýrst vegna þess hve djúpt niðri í jörðu skjálftinn átti sér stað. Eftir því sem skjálftar eru nær yfirborðinu, þeim mun meiri skaða eru þeir líklegri til að valda.
Í höfuðborg Perú, Lima, hljóp fólk út úr húsum sínum fráviða af ótta. Rafmagn fór af nokkrum borgum nærri Amazon skóginum.
Jarðskjálftar eru algengir í Perú, en þar liggur svonefndur eldhringurinn, en um 90% eldgosa eiga sér stað á eldhringnum.
Einar Bessi Gestsson, náttúruvásérfræðingur hjá Veðurstofunni, greindi Mbl frá því fyrr í dag að skjálftamælar á Íslandi hafi ruglast vegna skjálftans í Perú. Einn mælir nam skjálfta að stærðinni 3,6 við Akureyri