Listamaðurinn Elísabet Rún gerði myndasögu sem birtist á síðunni The Nib á dögunum. Verkið fjallaði um Klaustursmálið sem að flestir ættu að þekkja, enda ein umtalaðasta frétt seinustu ára hérlendis.
Í myndasögunni er Klausturs-fólkið gagnrýnt t.d. með því að skoða hvernig þingmennirnir hafa fjallað um málið og reynt að snúa út úr. Þar að auki er þeim líkt við erlenda stjórnmálamenn líkt og Donald Trump og Jérôme Cahuzac.
Í verkinu er líka skoðað mikilvægi þess að stjórnmálamenn beiti ekki hatursorðræðu og að siðferðisleg gildi þeirra þurfi alltaf að vera með þeim, sama hvort það sé uppi í ræðupúlti eða þegar farið er á krá.
Hér að neðan má svo sjá nokkur brot úr myndasögunni.