fbpx
Mánudagur 06.apríl 2020
Fréttir

Sakfelld fyrir að aðstoða við tölvuglæp – „Framburður þeirra í hæsta máta ótrúverðugur“

Erla Dóra Magnúsdóttir
Laugardaginn 25. maí 2019 13:07

Ekki missa af Helstu tíðindum dagsins í pósthólfið þitt

Lesa nánar

Landsréttur þyngdi í gær fangelsisrefsingu þriggja aðila sem sakfelldir voru fyrir þátt sinn í fjársvikum og peningaþvætti.  Málið telst til svonefndra netglæpa og aðalverknaðarmaður kallast Sly, en ekki eru deili á honum þekkt.

Sly kom því til leiðar að suðurkóreskt fyrirtæki sem var í viðskiptum við Nesfisk lagði 54 milljónir inn á rangan bankareikning. Íslensku aðilarnir þrír áttu svo þátt í að leggja til þennan ranga bankareikning og aðstoðuðu Sly við að koma peningunum úr landi. Fengu þau nokkuð háar fjárhæðir fyrir að hafa  milligöngu um þetta.

„Í þessum tölvuskeytum beitti hinn óþekkti aðili ýmsum blekkingum til þess meðal annars að fá samningsaðila til að breyta greiðsluaðferð í viðskiptunum, koma röngum greiðsluupplýsingum til kaupanda, hindra að réttar upplýsingar bærust á milli þeirra og skýra fyrir seljanda tafir á greiðslum sem kaupandi var þegar búinn að inna af hendi en höfðu ekki borist seljanda.“

Dómur Landsréttar er nokkuð ítarlegur og er þar mikið fjallað um ásetning sakborninganna þriggja. Fjárhæðirnar hafi verið það háar og erfiðið að koma þeim úr landi það mikið að það hefði ekki getað farið fram hjá þeim að þetta væru peningar sem fengnir væru með vafasömum hætti.

„Ítarlegur framburður ákærðu fyrir héraðsdómi, sem rakinn er í meginatriðum í hinum áfrýjaða dómi, er um margt mótsagnakenndur og ósamrýmanlegur um þátt hvers og eins þeirra í samskiptum við fyrrnefndan Sly, móttöku fjármunanna, millifærslu þeirra milli reikninga, ráðstöfun hluta þeirra í eigin þágu og annarra og sendingu á drjúgum hluta þeirra inn á erlenda bankareikninga.  Það yfirbragð er á framburði allra ákærðu að þau leitast við að gera lítið úr eigin þætti í samanburði við þátt hinna og er framburður þeirra í hæsta máta ótrúverðugur.“

Við ákvörðun refsingar horfði dómari til þess að aðilarnir þrír ættu greinilega mikilvægan þátt í að koma ávinningi af glæp til glæpamannsins.

„Mikilvægan þátt í að koma ávinningi refsiverðs brots sem framið var með rafrænum hætti á netinu í hendur þeirra sem stóðu að því. Brot af þessu tagi virðast færast í vöxt og eru til þess fallin að valda miklu tjóni og draga úr trausti í viðskiptum þar sem reynir á rafræn samskipti.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 21 klukkutímum

Grípa til frekari aðgerða á Vestfjörðum

Grípa til frekari aðgerða á Vestfjörðum
Fréttir
Í gær

Andlitsgrímur og treflar fyrir vitin geti aukið á sýkingahættu

Andlitsgrímur og treflar fyrir vitin geti aukið á sýkingahættu
Fréttir
Í gær

Lækna-Tómas sýnir frá krefjandi vinnuaðstæðum á gjörgæslunni

Lækna-Tómas sýnir frá krefjandi vinnuaðstæðum á gjörgæslunni
Fréttir
Í gær

Appelsínugul viðvörun vegna vonskuveðurs á morgun

Appelsínugul viðvörun vegna vonskuveðurs á morgun
Fréttir
Fyrir 2 dögum

Andlát á Suðurnesjum rannsakað sem sakamál – Einn í gæsluvarðhaldi

Andlát á Suðurnesjum rannsakað sem sakamál – Einn í gæsluvarðhaldi
Fréttir
Fyrir 2 dögum

Kvennablaðið snýr aftur: „Nú er tími til að ræða málin“

Kvennablaðið snýr aftur: „Nú er tími til að ræða málin“