Theresa May hefur sagt af sér sem forsætisráðherra Bretlands. Þetta tilkynnti hún á blaðamannafundi nú rétt í þessu.
Mjög hefur verið sótt að Theresu að undanförnu vegna útgöngu Breta úr Evrópusambandinu. Það eru ekki bara pólitískir andstæðingar sem hafa sótt að Theresu því eigin flokksmenn hafa einnig gagnrýnt nýjustu áætlun hennar um Brexit.
Theresa sagði í yfirlýsingu sem hún las fyrir utan Downing-stræti 10 í morgun að hún myndi láta af embætti formlega þann 7. júní næstkomandi.