fbpx
Miðvikudagur 21.ágúst 2019  |

DV - Frjáls og óháður miðill

Sandkorn

Kata fattar

Tekjublað 2019  Sjá allt

Fréttir

Áfangasigur Atla eftir umfjöllun um óhugnanlegt mál: Hvar er Frikki?

Ágúst Borgþór Sverrisson
Þriðjudaginn 21. maí 2019 17:35

Ekki missa af Helstu tíðindum dagsins í pósthólfið þitt

Lesa nánar

„Ég er vongóður um niðurstöðuna og tel að dómur Landsréttar hafi verið of strangur. Blaðamenn vinna við mjög erfiðar aðstæður og það verður að vera skilningur á því,“ segir Gunnar Ingi Jóhannsson, lögmaður blaðamannsins Atla Más Gylfasonar, í samtali við DV, en Hæstiréttur hefur fallist á að taka fyrir áfrýjun Atla Más eftir að Landsréttur hafði dæmt Atla til að greiða Guðmundi Spartakusi Ómarssyni 1,2 milljónir króna í miskabætur fyrir ummæli sem birtust í umfjöllun Atla í Stundinni. Visir.is hefur greint frá málinu.

„Dómur í þessu máli getur haft almennt gildi um heimildir fjölmiðla til að fjalla um rannsókn sakamála og byggja á ónafngreindum heimildarmönnum. Auðvitað vitum við ekki hver niðurstaðan verður en það kemur kannski gott fordæmi frá Hæstarétti,“ segir Gunnar Ingi við DV.

Fréttin sem kærð var birtist í Stundinni 1. des. árið 2016. Þar eru leiddar líkur að því að Guðmundur Spartakus eigi sök á dauða Friðriks Kristjánssonar. Í fréttinni sagði meðal annars:

„Hvað kom fyrir Friðrik? Hvað gerðist eftir 31. mars? Tengist þetta íslenskum skipulögðum glæpasamtökum? Eru hryllingssögurnar sem gengu um undirheima um hvarf Friðriks á rökum reistar? Var Friðrik tekinn af lífi á hrottafenginn hátt í beinni útsendingu á Skype? Lét hann sig hverfa sporlaust? Er lögreglan með upplýsingar sem benda til þess að hvarf Friðriks hafi borið að með saknæmum hætti? Hafa lögregluyfirvöld í Paragvæ leitað hans í reynd? Hvar er Friðrik?“

Guðmundur Spartakus fór fram á ómerkingu 30 ummæla úr fréttinni þar sem viðmælendur Atla Más báru hann sökum. Atli Már vann málið fyrir héraðsdómi en Landsréttur sneri dómnum við og ómerkti 23 ummæli og dæmdi Atla Má til greiðslu fyrrnefndra skaðabóta. Atli áfrýjaði þeim dómi til Hæstaréttar og nú hefur Hæstiréttur fallist á að taka málið fyrir.

Litlar líkur á að málið fari fyrir Mannréttindadómstól Evrópu

Gunnar Ingi segir að sú staðreynd að Hæstiréttur hafi fallist á að taka málið fyrir minnki mjög líkur á að leitað verði til dómstóla erlendis. „Með þessu kerfi þar sem boðið er upp á málsmeðferð fyrir þremur dómstólum þá minnkar löngunin til að leita til erlendra dómstóla.“

Gunnar Ingi er bjartsýnn á niðurstöðu Hæstaréttar fyrir hönd skjólstæðings síns.

Atli Már sjálfur fagnar dómnum og skrifar á Facebook-síðu sína:

„Þetta eru gleðitíðindi á sólríkum degi. Það þýðir ekkert að gefast upp. Réttlætið sigrar að lokum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 9 klukkutímum

Harðar deilur á Reykjanesbraut: Kastaði kaffibollanum í bílinn á rauðu ljósi

Harðar deilur á Reykjanesbraut: Kastaði kaffibollanum í bílinn á rauðu ljósi
Fréttir
Fyrir 20 klukkutímum

Biskup Íslands með 1,8 milljónir á mánuði

Biskup Íslands með 1,8 milljónir á mánuði
Fréttir
Í gær

Ólafur Ragnar og Dorrit á mynd með vinkonum Jeffrey Epstein

Ólafur Ragnar og Dorrit á mynd með vinkonum Jeffrey Epstein
Fréttir
Í gær

Stórundarlegt slys á Grandanum: „Fór eins og torfærubíll yfir kyrrstæðan bíl“ – Sjáðu myndirnar

Stórundarlegt slys á Grandanum: „Fór eins og torfærubíll yfir kyrrstæðan bíl“ – Sjáðu myndirnar
Fréttir
Í gær

Segja betri kost fyrir landsbyggðarfólk að fara í menntaskóla í Svíþjóð en Reykjavík – Ódýrari kostur

Segja betri kost fyrir landsbyggðarfólk að fara í menntaskóla í Svíþjóð en Reykjavík – Ódýrari kostur
Fréttir
Í gær

Tekjublaðið kemur út á miðvikudag – Allt um tekjur Íslendinga – Róbert Wessman og Kári Stefáns tróna á toppnum

Tekjublaðið kemur út á miðvikudag – Allt um tekjur Íslendinga – Róbert Wessman og Kári Stefáns tróna á toppnum
Fréttir
Fyrir 3 dögum

Birta verður fyrir ofbeldi og kynþáttafordómum vegna húðlitar síns  – Sagt að fegurðarsamkeppnin sé fyrir íslenskar stelpur

Birta verður fyrir ofbeldi og kynþáttafordómum vegna húðlitar síns  – Sagt að fegurðarsamkeppnin sé fyrir íslenskar stelpur
Fréttir
Fyrir 3 dögum

Íslensk nýnasistasamtök með grófan áróður á Facebook – Spyrja hvað sé að því að vera nasisti

Íslensk nýnasistasamtök með grófan áróður á Facebook – Spyrja hvað sé að því að vera nasisti