Inga Sælands, formaður Flokk fólksins, minnist Helga Ástvaldssonar, bróður hennar, á Facebook en hann lést árið 1988 einungis 31 ára.

„Í dag hefði elsku bróðir minn orðið 62 ára. Hann dó af slysförum langt fyrir aldur fram. Hann var yndislegur gleðigjafi og mikill ofurhugi. Hann var besti vinur minn. Einungis tvö ár voru á milli okkar systkinanna og við brölluðum margt í sameiningu þá stund sem við áttum saman,“ segir Inga.

Hún segir að þrátt langt sé um liðið þá hverfur sorgin aldrei. „Trúnaður, kærleikur söngur og gleði var það sem einkenndi lífið okkar saman. Elsku hjartans bróðir minn það líður ekki sá dagur sem hugur minn er ekki hjá þér. Sagt er að tíminn lækni öll sár, ég segi nei, tíminn einungis dregur úr sársaukanum, sorgin hverfur aldrei, við einungis lærum að lifa með henni, við getum jú ekkert annað,“ segir Inga.

Hún segir að lokum að minning hans lifi áfram. „Guð varðveiti elsku Helga bróðir minn, Minning hans lifir hjá okkur öllum sem fengum að njóta þess að fá að kynnast þessum góða dreng.“