Mikill erill var hjá lögreglunni á höfuðborgarsvæðinu í nótt. Lögreglan handtók mann vegna líkamsárásar í austurhluta Reykjavíkur í nótt. Maðurinn var mjög ölvaður og var vistaður í fangaklefa þar til hægt væri að taka af honum skýrslu. Þá var maður í Kópavogi handtekinn vegna líkamsárásar og fjársvika. Hann er vistaður í fangaklefa.
Þá stöðvaði lögreglan ökumann sem hafði ekið yfir á rauðu ljósi, en í ljós kom að maðurinn væri bæði undir áhrifum áfengis og fíkniefna auk þess sem bifreiðin var ótryggð. Aðrir tveir ökumenn voru stöðvaðir fyrr akstur undir áhrifum fíkniefna og áfengis. Í viðbót við þá var einn ökumaður stöðvaður fyrir akstur undir áhrifum fíkniefna og tveir undir áhrifum áfengis.
Einnig voru tveir menn handteknir í miðborginni sökum þess að annar var með fíkniefni á sér og hinn ók bifreið undir áhrifum fíkniefna.