Lögreglan á höfuðborgarsvæðinu sinnti nokkrum útköllum í gærkvöldi og nótt vegna fjúkandi lausamuna. Byggingarefni, þakplötur, vinnupallar og fleira fauk eða var við að fjúka. Viðeigandi ráðstafanir voru gerðar.
Á áttunda tímanum í gærkvöldi var ölvaður maður handtekinn á veitingastað í miðborginni en hann hafði ítrekað áreitt gesti.
Einn ökumaður var handtekinn í gærkvöldi grunaður um ölvun við akstur. Að öðru leyti var nóttin róleg hjá lögreglunni.
