„Allar stöðvar Slökkiliðsins á höfuðborgarsvæðinu voru kallaðar út að Seljaskóla í Breiðholti eftir miðnætti vegna elds í þaki skólans. Að sögn varðstjóra slökkviliðsins var mikill eldur í þakinu. Mikinn reyk leggur yfir Seljahverfi í Breiðholti og Linda- og Salahverfi í Kópavogi. Íbúum er ráðlagt að loka gluggum og hækka í ofnum,“ segir í frétt RÚV um eld í Seljaskóla í Breiðholti.
Einnig er greint frá málinu í dagbók lögreglunnar þar sem segir að klukkan hálfeitt í nótt hafi lögreglumenn við eftirlitsstörf orðíð varir við eld úr fjarska og á leið þeirra á vettvanginn hafi farið að berast tilkynningar um eld í Seljaskóla. Lögreglumenn hafa verið við störf í alla nótt rétt eins og slökkviliðsmennirnir – og slökkvistarfið heldur áfram.
Um fjögurleytið í nótt var síðan búið að slökkva mestallan eldinn en einhverjar glæður lifðu enn. Miklar skemmdir hafa orðið á húsinu vegna eldsins.