Um ellefu-leytið í gærkvöld var maður handtekinn í verslun í Vesturbænum í Reykjavík vegna þjófnaðar og fyrir að veitast að starfsmönnum verslunarinnnar. Var hann handtekinn og gistir fangageymslur lögreglu þar til nægilega er runnið af honum fyrir yfirheyrslu.
Þetta kemur fram í dagbók lögreglunnar og þar einnig frá handtöku í heimahúsi í Grafarvogi eftir að lögreglu var tilkynnt um líkamsárás. Maðurinn var undir áhrifum vímuefna og verður yfirheyrður síðar í dag.
54 mál/verkefni komu inn á borð lögreglu í nótt, s.s. tilkynningar um samkvæmishávaða, pústra hér og þar í borginni, aðfinnsluvert háttalag, vegna ölvaðs fólks sem var sofandi ölvunarsvefni í stigahúsum og eða á götum miðborgarinnar, vegna ofneyslu fíkniefna en því fólki var komið undir læknishendur, minniháttar slysa þar sem fólk hafði fallið fram fyrir sig og hlotið skurði, eignaspjalla, nokkur mál þar bifreiðar voru kyrrsettar en ökumenn þeirra blésu undir mörkum og margt fleira.