fbpx
Þriðjudagur 17.september 2019  |

DV - Frjáls og óháður miðill

Orðið á götunni

Eplin falla við eikurnar

Fréttir

450.000 króna sekt fyrir að vera með 100 egg friðaðra fugla

Kristján Kristjánsson
Föstudaginn 10. maí 2019 07:51

Ekki missa af Helstu tíðindum dagsins í pósthólfið þitt

Lesa nánar

Karlmaður, búsettur á Húsavík, hefur verið dæmdur til að greiða 450.000 krónur í sekt fyrir að hafa verið með 100 blásin fuglsegg í fórum sínum. Þau fundust þegar maðurinn var tekinn í Norrænu fyrir tveimur árum. Maðurinn hafði tínt eggin hér á landi en þetta voru egg fágætra og friðaðra fugla. Hann ætlaði að flytja þau til meginlands Evrópu þar sem líklegt má teljast að hann hafi ætlað að selja þau til safnara.

Fréttablaðið skýrir frá þessu og hefur eftir Þorkeli Lindberg Þórarinssyni, forstöðumanni Náttúrustofu Norðausturlands, að ljóst sé að þetta sé glæpur gegn náttúrunni.

„Allir þessir fuglar eru friðaðir og því er þetta klárt lögbrot.“

Sagði hann.

Maðurinn var meðal annars með egg smyrils, flórgoða, jaðrakana, teistu, lóms, himbrima og skúms í fórum sínum.

„Það er verið að selja svona egg til safnara í Evrópu. Sú vitneskja liggur fyrir og það er einhver að borga dýrum dómum fyrir þessi egg úti í heimi. Það er því markaður fyrir þetta og þar sem til dæmis himbriminn verpir aðeins hér á landi, þá get ég ímyndað mér að menn borgi vel fyrir egg sem þessi.“

Sagði Þorkell.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Netþrjótar kúga Íslendinga með klámi – Sjálfsfróun notuð í svikamyllunni

Netþrjótar kúga Íslendinga með klámi – Sjálfsfróun notuð í svikamyllunni
Fréttir
Fyrir 3 dögum

Rán í miðborginni upplýst

Rán í miðborginni upplýst