fbpx
Fimmtudagur 22.ágúst 2019  |

DV - Frjáls og óháður miðill

Tekjublað 2019  Sjá allt

Fréttir

Harðar fjölskyldudeilur milli Brynjars og Gústafs: „Eigið eftir að fá eftirminnilega á lúðurinn“

Ritstjórn DV
Föstudaginn 19. apríl 2019 11:39

Ekki missa af Helstu tíðindum dagsins í pósthólfið þitt

Lesa nánar

Í Völuspá er Ragnarökum lýst svo að bræður munu berjast og að bönum verðast. Líklega hefur höfundur ekki verið að vísa þar til þriðja orkupakkans en nú er sú staða uppi að bræðurnir Brynjar Níelsson, þingmaður Sjálfstæðisflokksins, og Gústaf Níelsson berjast hart vegna þess máls. Á dögunum lýsti Brynjar skoðun sinni á þriðja orkupakkanum og sagðist fylgjandi honum. Nú nokkrum dögum síðar skrifar Gústaf athugasemd við þá færslu og segir bróður sinn vera „sporgöngumann Brusselvaldsins“.

Gústaf Níelsson

Síðastliðinn mánudag lýsti Brynjar því yfir á Facebook að það væri honum óskiljanlegt að vilja hafna þriðja orkupakkanum. „Nokkuð stór hópur „grasrótarinnar“ er heitt í hamsi vegna innleiðingar 3ja orkupakkans. Ég hef gert grein fyrir afstöðu minni og mér gengur ekkert annað til en að gæta hagsmuna okkar, annars vegar þeirra sem felast í EES samstarfinu og hins vegar að tryggja um leið yfirráð okkar yfir orkuauðlindinni, hvernig eignarhaldi okkar er háttað og hvort við tökum þátt í innri markaði með sölu á orku til evrópu í gegnum sæstreng. Því er mér óskiljanlegt hvernig hagsmunum okkar er betur borgið með því að hafna 3ja orkupakkanum,“ skrifaði Brynjar.

Hann bætti svo við að þó hann hlustaði á grasrót flokksins þótt fylgdi hann henni ekki í blindni: „Mér þykir afskaplega vænt um „grasrótina“ og er í miklum samskiptum við hana og hlusta. Ég er hins vegar ekki þannig maður að afstaða mín fari eftir því hvernig vindar blása hverju sinni, hvorki hjá „grasrót“ flokksins eða annars staðar. Þið hafið kosið rangan mann á þing ef þið haldið það, kæru vinir.“

Einn vinur Brynjars á Facebook spyr hann í athugasemd hví honum sé illa við grasrótina, það hafi nú verið hún sem kaus hann á þing. „Að því að við erum öll saman í flokknum, Héðinn. Flokknum sem er okkur svo kær. Mér finnst alveg óþarfi að skipta honum upp grasrót á móti forystu. Ég vil frekar tala um trausta flokksmenn. Ég veit alveg hverjir hafa verið mínir stuðningsmenn og hef verið í góðu sambandi við þá. Þeir eru margir ósammála mér í þessu orkupakkamáli en ég tek alltaf hagsmuni þjóðarinnar fram fyrir allt annað,“ svarar Brynjar.

Það er þessi athugasemd sem verður til þess að Gústaf hjólar í bróður sinn. „Brynjar Níelsson það er alveg augljóst að í þessu máli fara ekki saman hagsmunir flokksforustu og grasrótar flokksins og hvað þá hagsmunir þjóðarinnar. Þið sporgöngumenn Brusselvaldsins eigið eftir að fá eftirminnilega á lúðurinn í næstu kosningum og höggið verður slíkt að það er bara ekkert víst að þið rísið á fætur aftur,“ segir Gústaf.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fatlaðir upp á punt
Fréttir
Fyrir 18 klukkutímum

Dularfulli pistillinn sem hvarf

Dularfulli pistillinn sem hvarf
Fréttir
Fyrir 20 klukkutímum

Skúli í Subway uggandi: „Neytandinn fær á endanum nóg og segir hingað og ekki lengra“

Skúli í Subway uggandi: „Neytandinn fær á endanum nóg og segir hingað og ekki lengra“
Fréttir
Fyrir 23 klukkutímum

Hjörtur Smári: Ferð þú á mis við 180 þúsund krónur á ári? Svona gætirðu eignast 45 milljónir við starfslok

Hjörtur Smári: Ferð þú á mis við 180 þúsund krónur á ári? Svona gætirðu eignast 45 milljónir við starfslok
Fréttir
Í gær

Innbrotum á heimili fjölgar í höfuðborginni

Innbrotum á heimili fjölgar í höfuðborginni
Fréttir
Í gær

Háþrýstiþvottur líklega ein af smitleiðunum í Efstadal í sumar

Háþrýstiþvottur líklega ein af smitleiðunum í Efstadal í sumar
Fréttir
Í gær

Harðar deilur á Reykjanesbraut: Kastaði kaffibollanum í bílinn á rauðu ljósi

Harðar deilur á Reykjanesbraut: Kastaði kaffibollanum í bílinn á rauðu ljósi
Fréttir
Fyrir 2 dögum

Ólafur Ragnar og Dorrit á mynd með vinkonum Jeffrey Epstein

Ólafur Ragnar og Dorrit á mynd með vinkonum Jeffrey Epstein
Fréttir
Fyrir 2 dögum

Stórundarlegt slys á Grandanum: „Fór eins og torfærubíll yfir kyrrstæðan bíl“ – Sjáðu myndirnar

Stórundarlegt slys á Grandanum: „Fór eins og torfærubíll yfir kyrrstæðan bíl“ – Sjáðu myndirnar