Þórarinn Ævarsson hefur sagt upp sem framkvæmdastjóri IKEA á Íslandi. Hann staðfesti þetta í samtali við fréttastofu Vísis, en vildi ekkert tjá sig frekar um málið. Hann sagði þó að tilkynningar væri að vænta vegna þessarar tímamóta.
Þórarinn hefur undanfarið verið hispurslaus um verðlagningu matvæla og veitinga á Íslandi, en hann er ötull talsmaður þess að bjóða upp á lágt vöruverð sem skili í staðinn aukinni sölu. Hefur hann óskað eftir því að fleiri veitingamenn tileinki sér þann háttinn.
Eftirtekt vakti þegar hann fjallaði um stefnu sína í viðskiptum, á málþingi ASÍ um verðlag á dögunum, þar sem hann fjallaði um hugmyndafræðina sem hann starfar eftir, þeim árangri sem hún hefur skilað og hvernig fyrirtæki í veitingarekstri gætu rétt úr kútnum með smá hugrekki.
Landsmenn verða þó að bíða eftir frekari fréttum um hvar Þórarinn tekur næst til starfa, eða hver tekur við af honum.
Sjá einnig: