Fyrr í dag var greint frá því að Þórarinn Ævarsson hefði sagt upp störfum sem framkvæmdastjóri IKEA á Íslandi. Samkvæmt tilkynningu frá stjórn IKEA á Íslandi mun Þórarinn þó ekki alfarið yfirgefa fyrirtækið, en hann mun taka sæti í stjórn.

Honum er þakkað fyrir vönduð og vel unnin störf í þágu félagsins og stjórn IKEA óskar honum velfarnaðar í næsta kafla.  Undirbúningur er hafinn við að finna eftirmann hans og má vænta tilkynningu um það á næstu vikum.

Í tilkynningunni segir að Þórarinn sé stoltur af því starfi sem var unnið innan fyrirtækisins undar framkvæmdastjórn hans síðustu fjórtán árin. Hann kveður sáttur en muni þó sjá eftir vinnustaðnum og samstarfsfólkinu. Hins vegar sé kominn tími fyrir nýjar áskoranir.