Á sjöunda tímanum í gærdag var maður í annarlegu ástandi handtekinn í miðborginni. Hann hafði sveiflað golfkylfu þar og þá ekki til að æfa sig í golfi. Á tólfta tímanum í gærkvöldi var maður í annarlegu ástandi handtekinn í porti lögreglustöðvarinnar við Hverfisgötu en hann hafði brotið tvær rúður í húsinu. Mennirnir voru báðir vistaðir í fangageymslu.

Á ellefta tímanum í gærkvöldi var tilkynnt um innbrot í bifreið í miðborginni. Úr henni var stolið bakpoka með fartölvu, vegabréfi og fleiru.

Tveir ökumenn voru handteknir í nótt grunaðir um akstur undir áhrifum fíkniefna. Annar þeirra var einnig að aka þrátt fyrir að hann sé sviptur ökuréttindum og var um ítrekað brot að ræða.

Einnökumaður var handtekinn grunaður um ölvun við akstur í gærkvöldi.