Nýsjálenska hjúkrunarfræðingnum Louisa Akavi var rænt af ISIS-liðum fyrir fimm árum. Nýsjálensk stjórnvöld hafa haldið nafnleynd yfir henni alveg frá því að hún var numin á brott árið 2013 í von um að það myndi auka öryggi hennar.
Talið er að Akavi gæti enn þá verið á lífi. Hún er 62 ára gömul og er jafnvel að hún sé látin starfa sem hjúkrunarfræðingur eins og hún gerði áður, nema nú fyrir hryðjuverkasamtökin sem rændu henni, ISIS.
ISIS hefur átt undir högg að sækja undanfarin misseri og því ákvað Rauði krossinn, hennar fyrrverandi vinnuveitandi, að birta nafn hennar í fyrsta skipti. Ekki eru þó allir á sama máli varðandi nafnbirtingar en forsætisráðherra Nýja-Sjálands, Jacinda Ardern, sagði að það væri enn stefna stjórnvalda að halda þessu máli frá vitneskju almennings.
Ekki er vitað neitt um afdrif tveggja annarra, Alaa Rajab og Nabil Bakdounes, sem var rænt ásamt Akavi.