fbpx
Laugardagur 20.júlí 2019  |

DV - Frjáls og óháður miðill

Fréttir

Pétur varar við gildrunni: „Á ekki heima í siðuðu samfélagi“

Ritstjórn DV
Mánudaginn 15. apríl 2019 12:00

Ekki missa af Helstu tíðindum dagsins í pósthólfið þitt

Lesa nánar

„Það er grundvallarmál að við tökum vel á móti gestum okkar í þessu landi og séum heiðarleg þegar við bjóðum þjónustu gegn gjaldi. Það á líka við þegar rukka á fyrir umferðarmannvirki eins og vegagöng,“ segir Pétur Óskarsson, framkvæmdastjóri hjá Katla Travel ferðaskrifstofu.

Pétur skrifaði færslu í Bakland ferðaþjónustunnar í gær sem vakti mikla athygli. Þar skrifaði hann um Vaðlaheiðargöng, eða Vaðlaheiðargildruna eins og hann orðaði það.

„Það var meira en undarlegt að aka að Vaðlaheiðargöngunum í dag og sjá hvernig búið er með miklum brotavilja að fela valkostinn sem er ókeypis (Víkurskarðið) og hvernig búið er að stilla aðkomunni þannig að gestir sem ekki hafa verið varaðir við keyra beint í gildruna,“ sagði Pétur sem birti meðfylgjandi myndir.

Pétur gagnrýnir það fyrirkomulag sem viðhaft er við rukkun veggjaldsins, en vegfarendur hafa þrjár klukkustundir til að fara á netið og borga. Ef það klikkar bætist við 66 prósenta álag og fer gjaldið úr 1.500 krónum í 2.500 krónur.

„Ég keyrði bæði í gegnum göngin og Víkurskarðið, ég sparaði u.þ.b. 10 mínútur á að fara í gegnum göngin en svo þurfti ég næstum jafn langan tíma til að stoppa og borga ferðina í gegnum netið og gefa þar upp kreditkortanúmer, tölvupóst og símanúmer,“ segir Pétur.

Hann segir að göngin séu fín og góð samgöngubót einhverja mánuði ársins. „En þessi fjárplógsgildra sem þarna er búið að stilla upp á ekki heima í siðuðu samfélagi. Ég legg til að þar til að Vegagerðin verður búin að merkja báða valkosti sómasamlega verði settir límmiðar í alla bílaleigubíla þar sem varað er við Vaðlarheiðargildrunni og fólki bent á Víkurskarðið sem ókeypis valkost.“

Í samtali við DV bendir Pétur til dæmis á fyrirkomulagið við Hvalfjarðargöng þar sem báðir kostir eru merktir á korti. Vegfarendur sem þekkja ekki til gátu því séð, svart á hvítu, áður en gjaldtöku var hætt hvor leiðin hentaði betur.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Gunnar Rúnar: Dæmdur morðingi en lifir að miklu leyti eins og frjáls maður

Gunnar Rúnar: Dæmdur morðingi en lifir að miklu leyti eins og frjáls maður
Fréttir
Í gær

Rússar kaupa landsvæði á Austfjörðum – Lúxusferðaþjónusta sem á engan sinn líka

Rússar kaupa landsvæði á Austfjörðum – Lúxusferðaþjónusta sem á engan sinn líka
Fréttir
Fyrir 2 dögum

Heiða taldi sig hafa nappað barnaníðing við Drekavog – Ekki var allt sem sýndist

Heiða taldi sig hafa nappað barnaníðing við Drekavog – Ekki var allt sem sýndist
Fréttir
Fyrir 2 dögum

Átak gegn vændi í gangi – 37 kynferðisbrot í júní

Átak gegn vændi í gangi – 37 kynferðisbrot í júní