Í dagbók lögreglunnar er sagt frá því að um hálftíuleytið í gærkvöld hafði lögreglan afskipti af konu í annarlegu ástandi í miðbænum. Reynt var að aðstoða konuna við að komast heim en vegna ástands síns var hún að lokum vistuð í fangageymslu lögreglunnar.
Um hálfeittleytið var maður í annarlegu ástandi handtekinn í miðbænum grunaður um líkamsárás. Hann var vistaður fyrir rannsókn málsins í fangageymslu lögreglu. Meiðsli brotaþolans voru minniháttar.
Maður í hverfi 110 var handtekinn um tíuleytið í gærkvöld grunaður um líkamsárás. Hann var vistaður fyrir rannsókn málsins í fangageymslu lögreglu. Ekki er vitað um meiðsli árásarþola.
Nokkuð var um ölvunarakstur og akstur undir áhrifum vímuefna. Þá var maður handtekinn grunaður um vörslu fíkniefna.