Einhver áhugaverðasti fatamarkaður sem nokkurn tíma hefur verið haldinn verður opnaður í hádeginu og stendur til kl. 18 í dag: Fyrrverandi starfsmenn hins gjaldþrota flugvélags WOW air munu selja föt og annan varning í Holtagörðum. Markaðurinn verður opnaður kl. 12 og stendur til kl. 18. Í kynningu á þessu segir:
W?W fatamarkaður frá 70 fyrrum starfsmönnum WOW verður haldinn laugardaginn 13.apríl næstkomandi frá 12-18
Fatnaður af öllum stærðum og gerðum ásamt heimilisvörum, snyrtivörum, skarti og öðrum fylgihlutum.
Staðsetning: Salurinn við hliðina á Bónus í Holtagörðum.
ATH engir posar verða á staðnum en hægt að greiða með pening, Aur og Kass.
Hlökkum til að sjá ykkur ! ?
Margir starfsmenn WOW air eiga um sárt að binda eftir hið skyndilega gjaldþrot félagsins. Fyrirtækið varð gjaldþrota ekki löngu fyrir mánaðamót og þeir fengu engin laun um síðustu mánaðamót. Um tíma leit út fyrir að flugfreyjur WOW air yrðu margar hverjar að leita til Mæðrastyrksnefndar og Hjálparstofnunar kirkjunnar en ASÍ hljóp undir bagga og lánaði Flugfreyjufélagi Íslands 100 milljónir.
Myndir frá markaðnum munu birtast í frétt hér á dv.is fyrir kl. 17 í dag.