fbpx
Þriðjudagur 23.júlí 2019  |

DV - Frjáls og óháður miðill

Fréttir

Bjarni áhyggjufullur vegna WOW: Skattfé verði ekki sett í áhætturekstur

Ritstjórn DV
Mánudaginn 25. mars 2019 13:34

Mynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Bjarni Benediktsson, fjármála- og efnahagsráðherra, hefur áhyggjur af þeirri stöðu sem upp er komin varðandi WOW air. Hann segist ekki sjá neina réttlætingu í því að setja skattfé í áhætturekstur og vísar þannig í rekstur flugfélagsins sem stendur höllum fæti.

Bjarni ræddi þetta við mbl.is í hádeginu. Fundað var í stjórnarráðinu í morgun en Bjarni segir fundurinn hafi ekki verið um vanda WOW. Hann segist vona að farsæl niðurstaða fáist í málið fyrir ferðaþjónustuna í landinu og ljóst sé að miklir hagsmunir séu í húfi.

Bjarni segir að í raun hafi ekkert breyst varðandi að komu stjórnvalda eftir að tilkynnt var um viðræðuslit WOW og Icelandair Group. „Þarna er um að ræða fyr­ir­tæki í einka­eigu sem er að reyna að greiða úr sín­um fjár­hags­vanda og það hef­ur ekk­ert breyst.“

Bjarni var einnig spurður að því hvort til greina kæmi að fara sömu leið og Þjóðverjar fóru þegar flugfélagið Air Berlin fór í þrot. Þá lögðu þýsk yfirvöld skiptastjóra félagsins fé til að halda rekstrinum gangandi þar til nýr eigandi kom að borðinu. Bjarni segir ekki komið að því að tala um neitt slíkt.

„En stjórn­völd eru vel upp­lýst og vita hvað get­ur gerst. Við höf­um ekki rætt um að stíga inn í þenn­an vanda,“ sagði Bjarni sem bætti við að hann hefði haft áhyggjur af því að langan tíma tæki að greiða úr fjárhagsvandanum.

„Við erum að horfa á flugrekst­ur frá Íslandi, sem er í blóðugri alþjóðlegri sam­keppni, meðal ann­ars við mjög stór alþjóðleg fyr­ir­tæki sem eru sömu­leiðis í vanda. Svo markaðsaðstæður eru all­ar mjög erfiðar, að því er virðist, og sam­keppn­in gríðarleg,“ seg­ir Bjarni sem var að lokum spurður að því hvort stjórnvöld myndu ekki blanda sér í málefni félagsins. Bjarni svaraði því til:

„Ég hef áður sagt að við sjá­um ekki neina rétt­læt­ingu í því að setja skatt­fé inn í þenn­an áhætt­u­r­ekst­ur. Það er sú lína sem við höf­um haft og það er enn í gildi.“

Frétt mbl.is

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Á örstundu var bálkösturinn tendraður og nornabrennan skyldi hefjast

Á örstundu var bálkösturinn tendraður og nornabrennan skyldi hefjast
Fréttir
Fyrir 2 dögum

Menn ruddust inn í íbúð og veittust að húsráðanda

Menn ruddust inn í íbúð og veittust að húsráðanda
Fréttir
Fyrir 2 dögum

Slasaður maður á Fimmvörðuhálsi

Slasaður maður á Fimmvörðuhálsi
Fréttir
Fyrir 3 dögum

Spurning vikunnar: Hver er helsta ógn mannkynsins í dag?

Spurning vikunnar: Hver er helsta ógn mannkynsins í dag?
Fréttir
Fyrir 3 dögum

Ari segist virða gagnrýnina sem hann fær á sig

Ari segist virða gagnrýnina sem hann fær á sig
Fréttir
Fyrir 3 dögum

Nærmynd af ríkislögreglustjóra – Haraldur víkur ekki í skugga harðrar gagnrýni

Nærmynd af ríkislögreglustjóra – Haraldur víkur ekki í skugga harðrar gagnrýni