fbpx
Miðvikudagur 30.september 2020
Fréttir

Unglingapartý í Breiðholti og átta grunaðir um akstur undir áhrifum

Erla Dóra Magnúsdóttir
Sunnudaginn 24. mars 2019 09:08

Ekki missa af Helstu tíðindum dagsins í pósthólfið þitt

Lesa nánar

Lögreglan á höfuðborgarsvæðinu hafði í nógu að snúast í nótt. Átta ökumenn voru stöðvaðir, grunaðir um akstur undir áhrifum áfengis eða fíkniefna og fimm ökumenn voru stöðvaðir í Ártúnsbrekku fyrir að aka of hratt.

Einn ofangreindra ökumanna var handtekinn og færður í fangageymslu, enda hafði jafnframt verið tilkynnt að hann hafi verið að stela verðmætum úr verslun, annar ökumannanna reyndist vera eftirlýstur vegna afplánunar refsingar.

Í hverfi 108 þurfti lögregla að hafa afskipti af manni sem var í annarlegu ástandi á heilbrigðisstofnun. Hann var færður á lögreglustöð til að sofa úr sér, en hann er grunaður um ofbeldi gegn opinberum starfsmanni, eignaspjöll og fleira.

Í miðborginni var tilkynnt um líkamsárás á veitingahúsi. Þolandinn fékk sár á höfuðið en vildi ekki leita sér læknisaðstoðar.

Á Bústaðavegi var ekið á ljósastaur. Engin meiðsl urðu á fólki en bifreiðina þurfti að draga af vettvangi.

Í Hafnarfirði var tilkynnt um innbrot í heimahúsi. Þar hafði gluggi verið spenntur upp og verðmætum stolið.

 Maður var handtekinn á veitingastað í Smáralind, grunaður um líkamsrás og hótanir.

Í Breiðholti hafði lögregla afskipti af unglingapartý. Þar hafði 15 ára unglingur haldið partý, gestir voru allir unglingar og um 35 talsins. Áfengisumbúðir voru sjáanlegar og enginn fullorðinn á svæðinu. Lögregla leysti upp partýið og tilkynnti til húsráðenda og barnaverndar.

Ölvaður maður var handtekinn í Árbænum. Hann var gestur í húsnæði þar og hafði í hótunum við húsráðendur.  Maðurinn var erlendur, nýkominn til landsins og hafði á engan annan stað að leita. Hann fékk því að eyða nóttinni í fangageymslu lögreglu.

Bíll valt við Gullinbrú, engin meiðsl á fólki en bifreiðina þurfti að flytja af vettvangi af dráttarbifreið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ólga hjá íslenskum mæðrum vegna umræðu um sund og transfólk – „Hvað ef einn þeirra heldur á símanum sínum?“

Ólga hjá íslenskum mæðrum vegna umræðu um sund og transfólk – „Hvað ef einn þeirra heldur á símanum sínum?“
Fréttir
Fyrir 2 dögum

Ekki ástæða til að herða aðgerðir – „Toppnum náð núna eða á næstu dögum“

Ekki ástæða til að herða aðgerðir – „Toppnum náð núna eða á næstu dögum“
Fréttir
Fyrir 3 dögum

Safna undirskriftum við kröfu um að barnið þurfi ekki að fara til föður síns

Safna undirskriftum við kröfu um að barnið þurfi ekki að fara til föður síns
Fréttir
Fyrir 3 dögum

Fjórir á Landspítala með Covid og einn á gjörgæslu

Fjórir á Landspítala með Covid og einn á gjörgæslu