Arnþrúður Karlsdóttir hjá útvarpi Sögu hefur svarað pistli Egils Helgasonar frá því í gær og segir Egil vera í hópi „góða fólksins“ sem ræðst með hatursfullum hætti að fólki sem er þeim ósammála og kallar hann popúlista.
Það hefur löngum verið vitað að Egill Helgason vinnur fyrir tvo herra og þjónar báðum. Á forsíðu DV.is birtir hann fyrirsögnina að Útvarp Saga hvetji til fjöldamorða í símatíma stöðvarinnar en slíkt tal verður að flokkast undir óskhyggju Egils Helgasonar.“
Í pistli sínum í gær skrifaði Egill upp samtal Útvarps Sögu við innhringjanda þar sem hælisleitendur voru kallaðir ruslaralýður og sagðir vera með frekju og yfirgang
„Innhringjandi: Við þurfum kannski að fara að taka upp eitthvað slíkt dæmi, við getum ekki haft þetta svona, þessi ruslaralýður sem hér á ekki að vera…“
Sjá einnig: Símatími á útvarpsstöð 21. mars 2019 – Hvatt til fjöldamorða
Þetta var Arnþrúður ekki ánægð með og segir Egil skrumskæla ummæli innhringjanda.
Egill Helgason heldur að hann slái sér upp á því að ráðast á Útvarp Sögu.
Hann gerir ekki athugasemdir við þau ummæli sem þar eru látin falla við þessa falsgrein sína um útvarpsstöðina. Nei, nú hefur Egill Helgason líka bæst í hóp poppúlistanna.“
Arnþrúður telur svo upp mörg málefni líðandi stundar sem Útvarp Saga hafi fjallað um. Málefni á borð við þriðja orkupakkann, Brexit, fátækt á Íslandi og vinnudeilur. Allt umræðuefni sem Egill hafi ekki fjallað um.
Allt er þetta efni sem kemst ekki af einhverjum ástæðum til vitrænnar umfjöllunar hjá Agli Helgasyni.“
Þess í stað skrumskælir hann ummæli innhringjanda á Útvarpi Sögu og telur sig þess bæran að túlka það sem innhringjandinn hafi örugglega ætlað að segja. Sínar eigin vangaveltur gerir hann nú að skoðun Útvarps Sögu og birtir á forsíðu DV.“
Nú er spurning fyrir hvorn herrann var Egill Helgason að vinna þá er hann skrifaði þessa grein? Hver hagnast mest á falsgreinum Egils Helgasonar? Er tilvist Útvarps Sögu lýðræðinu að kenna?“