Tvö fíkniefnamál komu upp hjá lögreglunni á höfuðborgarsvæðinu í gærkvöldi og nótt. Í miðborginni var maður handtekinn en hann var með mikið magn fíkniefna á sér. Hann er grunaður um sölu og dreifingu fíkniefna. Hann var vistaður í fangageymslu vegna rannsóknar málsins.
Fjórir menn voru handteknir í Árbæjarhverfi en þeir eru grunaðir um sölu og dreifingu fíkniefna auk annarra brota. Þeir voru allir vistaðir í fangageymslu vegna rannsóknar málsins.