fbpx
Fimmtudagur 02.febrúar 2023
Fréttir

Sauð upp úr við Alþingishúsið í gær – Sjáðu myndbandið !

Erla Dóra Magnúsdóttir
Fimmtudaginn 21. mars 2019 16:12

Hælisleitendur mótmæla - Myndin tengist frétt ekki beint

Ekki missa af Helstu tíðindum dagsins í pósthólfið þitt

Lesa nánar

„Heyrðu það eru skýr fyrirmæli frá lögreglu. Þið blokkerið ekki innganginn að Alþingi. Færa sig frá, þið getið fengið ykkar tjáningarfrelsi annars staðar en ekki hérna fyrir. Bara núna. Það er ekkert annað í boði. Færið ykkur frá dyrum Alþingis. Þetta eru síðustu fyrirmælin. Færið ykkur frá dyrum Alþingis,“ þetta má heyra lögreglumann segja við mótmælendur sem höfðu tekið sér stöðu fyrir utan Alþingishúsið í gær á myndbandi sem Kvennablaðið hefur birt. Á myndbandinu má sjá hvar mótmælendur standa fyrir dyrum Alþingis, með límt fyrir munninn og orðin: Stöðvið brottvísun, skrifuð á lófa þeirra.

Á myndbandinu má heyra hvar mótmælandi segir lögreglumanni að engum sé meinuð inn eða útganga úr húsnæðinu og að mótmælendur hafi réttinn til að beita tjáningarfrelsi sínu með þessum hætti.

Lögregla hins vega ítrekar að það séu þeirra fyrirmæli til mótmælenda að færa sig og mótmælendur minntir á að það geti varðað saksókn eða sektum, sé ekki farið eftir fyrirmælunum.

Mótmælanda minnir lögreglumenn á að stór hluti mótmælenda skilur ekki íslensku. Þrátt fyrir þær áminningar hélt lögreglan áfram að ítreka fyrirmæli sín á íslensku.

Kvennablaðið greinir einnig frá því að hafa sent fyrirspurn til Dómsmálaráðuneytisins þar sem óskað er eftir upplýsingum um hvort og þá hvers konar fræðslu og þjálfun lögregla hafi hlotið um vernd mótmælenda og réttarins til mótmæla. Í fréttinni segir :

„Á myndbandsupptöku frá þriðjudeginum virðist lögregla færa sig upp á skaftið gagnvart mótmælendum í hvert sinn sem þeir gegna fyrirmælum hennar: eftir að mótmælendur færa sig frá dyrum byggingarinnar, eins og lögregla krafðist, virðist sem þeim séu veitt ný fyrirmæli um að færa sig úr gangvegi, og loks enn lengra frá byggingunni en svo. Þegar mótmælendur minna lögreglu á stjórnarskrárbundið tjáningarfrelsi hrópar yfirmaður lögreglu á móti að mótmælendur geti „fengið sér tjáningarfrelsi annars staðar“.“

Rétt er að geta þess að þrátt fyrir að tjáningarfrelsi ríki á Íslandi þá er þó heimilt að takmarka það með lögum meðal annars í þágu allsherjarreglu og öryggis og samkvæmt lögreglulögum er lögreglu heimilt að hafa afskipti af borgurum til að halda uppi almannafriði og allsherjarreglu. Í tilkynningu á heimasíðu lögreglunnar á höfuðborgarsvæðinu vegna mótmælanna í gær segir:

„Þrír voru handteknir við Alþingishúsið á öðrum tímanum í dag eftir að lögreglan var kölluð þangað vegna hóps af fólki sem hindraði aðgengi að húsinu. Þremenningarnir hlýddu ekki ítrekuðum fyrirmælum lögreglu um að láta af þessari háttsemi og voru handteknir eins og áður sagði.

Síðdegis, að loknum skýrslutökum, var hinum sömu sleppt úr haldi lögreglu.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

TF-SIF á hilluna vegna hagræðingar

TF-SIF á hilluna vegna hagræðingar
Fréttir
Í gær

Niceair skildi 45 töskur eftir á Tenerife – „Þarna mátti gera betur“

Niceair skildi 45 töskur eftir á Tenerife – „Þarna mátti gera betur“
Fréttir
Í gær

Fyrrum ræðuritari Pútíns segir að valdarán geti átt sér stað innan árs

Fyrrum ræðuritari Pútíns segir að valdarán geti átt sér stað innan árs
Fréttir
Í gær

„Hér er Ríkislögreglustjóri að ljúga mjög alvarlegum sökum upp á almenna borgara!“

„Hér er Ríkislögreglustjóri að ljúga mjög alvarlegum sökum upp á almenna borgara!“
Fréttir
Fyrir 2 dögum

Börn lentu í hrakningum í Grafarholti – Gert að yfirgefa strætó vegna óveðursins

Börn lentu í hrakningum í Grafarholti – Gert að yfirgefa strætó vegna óveðursins
Fréttir
Fyrir 2 dögum

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“
Fréttir
Fyrir 2 dögum

Árás á íranska drónaverksmiðju getur komið sér vel fyrir Úkraínu

Árás á íranska drónaverksmiðju getur komið sér vel fyrir Úkraínu
Fréttir
Fyrir 2 dögum

Sérfræðingur skefur ekki utan af því – „Pútín hefur mistekist hrapalega“

Sérfræðingur skefur ekki utan af því – „Pútín hefur mistekist hrapalega“
Fréttir
Fyrir 2 dögum
Sleginn í andlitið