fbpx
Fimmtudagur 18.júlí 2019  |

DV - Frjáls og óháður miðill

Fréttir

Segir Jón Gnarr sýna nasistum fordóma: „Mögulega fordómafyllsta tíst sem ég hef séð“

Ritstjórn DV
Miðvikudaginn 20. mars 2019 12:00

Ekki missa af Helstu tíðindum dagsins í pósthólfið þitt

Lesa nánar

Benedikt Jón Sigmundsson, rafvirki af Akranesi, gagnrýnir Jón Gnarr, listamann og fyrrverandi borgarstjóra, harðlega á Twitter. Benedikt hefur farið mikinn á Twitter undanfarið og deilt hart við marga um hvort hryðjuverkamaðurinn í Nýja-Sjálandi hafi verið hægrisinnaður eður ei. Hann telur svo ekki vera. Ummæli Benedikts hafa vakið mikla athygli á Twitter og hafa þar verið mjög umtöluð.

Benedikt fordæmir nú Jón Gnarr fyrir tíst sem hann telur fordómafullt. Jón birtir mynd af áróðursriti nýnasista sem DV fjallaði um fyrr í dag og skrifar: „Svona ímynda íslenskir nasistar sér að þeir líti út. En svo í raunveruleikanum eru þeir feitlagnir miðaldra menn sem klæða sig einsog þeir séu 25 ára, stoppuðu í þroska þegar þeir voru 17 og hafa sjaldnast þessi jöfnu arísku hlutföll í andliti.“

Sjá einnig: Nýnasistar sækja í sig veðrið á Íslandi – Boða aðgerðir: „Hálfgert áróðursstríð í Reykjavík“

Benedikt telur að þarna afhjúpi Jón fordóma sína. „Hér talar fyrrverandi borgarstjóri í Reykjavík með aldurs- og fitufordómum um einhvern hóp í samfélaginu sem ég vissi ekki einu sinni að væri til, hvað þá að hann væri fjölmennur. Þetta er mögulega fordómafyllsta tíst sem ég hef séð hér á forritinu,“ skrifar Benedikt og er ekki skemmt. Hann ítrekar að hann sé þó ekki sjálfur nasisti.

Jón deilir sjálfur tísti Benedikts og í athugasemdum þvertekur Benedikt fyrir það að vera sjálfur nasisti. Jökull Sólberg Auðunsson forstjóri skrifar þar: „Stundum afhjúpa þeir sig sjálfir. Unaður að horfa upp á þetta self own.“

Því svarar Benedikt: „Ertu að kalla mig nasista? Bwahaha, bullið í ykkur ríður ekki við einteyming. Þið eruð svo miklir hræsnarar. Það má ekkert segja um ykkur eða ruglið sem þið trúið á, það fólk er sko rosalega slæmt fólk. En þið hafið þó mun rýmri heimildir þegar ykkur hentar. Hræsnin er stórkostleg.“

Benedikt birti ummæli undir frétt DV þar sem hann sagði:

„Ég er ekki á nokkurn hátt að tala gegn gagnrýni á nasista, það eru útúrsnúningar og blaðamaður DV veit það vel. Ég mun sjálfur taka undir alla svoleiðis gagnrýni enda nasismi ein versta helstefna seinni ára. Það sem ég er að benda á er að við getum ekki handvalið hvaða hópa má smána en verið svo rosalega móðguð ef hópur sem er okkur þóknanlegur fær sömu meðferð. Ef það er samfélagslega samþykkt að smána einn hóp (nasista í þessu tilfelli) er það þá samfélagslega samþykkt að smána aðra hópa? Ætlar einhver að halda því fram að sama umburðalyndi væri til staðar ef einhver myndi kalla konur feitar, transfólk feitt osfr. Auðvitað ekki. Við verðum að vera samkvæm sjálfum okkur. Það er mikill tvískynnungur að finnast í lagi að nota fitufordóma á suma hópa en ekki aðra. Ég var bara að benda á þennan tvískynnung en ekki að verja nasista eins og sú mynd sem dv og fleirri reyna mála upp.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Vilja láta stórskulduga sitja sektir af sér – Sáralítið innheimtist af hæstu sektunum

Vilja láta stórskulduga sitja sektir af sér – Sáralítið innheimtist af hæstu sektunum
Fréttir
Fyrir 2 dögum

Æpandi þögn lögreglu í Bauhaus-málinu

Æpandi þögn lögreglu í Bauhaus-málinu
Fréttir
Fyrir 2 dögum

Tekjur Vaðlaheiðarganga 35-40% minni en áætlað var

Tekjur Vaðlaheiðarganga 35-40% minni en áætlað var
Fréttir
Fyrir 2 dögum

Albert lést á þriðjudaginn – Ragnar hefur fengið nóg: „Hver verður næstur, verður það sonur þinn?“

Albert lést á þriðjudaginn – Ragnar hefur fengið nóg: „Hver verður næstur, verður það sonur þinn?“
Fréttir
Fyrir 3 dögum

Fjölskyldan sem týndist heil á húfi – Köld og skelkuð

Fjölskyldan sem týndist heil á húfi – Köld og skelkuð
Fréttir
Fyrir 3 dögum

Yfirheyrslan: Karítas Harpa telur samskipti Tomma og Jenna byggð á misskilningi

Yfirheyrslan: Karítas Harpa telur samskipti Tomma og Jenna byggð á misskilningi