Athugasemd sem Ragnar Pálsson, kjötiðnaðarmaður á Sauðárkróki, skrifaði undir frétt Vísis um hryðjuverkin í Nýja-Sjálandi hefur farið sem eldur í sinu um samskiptamiðla. Þar skrifaði Ragnar einfaldlega:
„Vel gert.“
Túlka margir ummælin sem stuðning við hryðjuverkin og hafa fordæmt Ragnar. Sjálfur kveðst Ragnar hafa orðið var við að ummælin hafi vakið athygli en segir gagnrýnina byggða á misskilningi. Vill hann meina að hann hafi verið að fagna vasklegri framgöngu lögreglunnar á Nýja-Sjálandi og hversu greiðlega gekk að handtaka hryðjuverkamanninn.
Vísir lokaði á athugasemdir vegna ummæla hans og annarra. Fyrst þegar DV hafði samband við Ragnar neitaði hann að tjá sig og skellti á. Af Facebook-síðu Ragnars má sjá að hann hefur í gegnum árin deilt mörgu tengdu Íslensku þjóðfylkingunni og fjölmörgum neikvæðum fréttum í garð múslima, þar sem þeir eru gagnrýndir eða gert grín að þeim. DV hafði aftur samband við Ragnar og þá kvaðst hann fagna framgöngu yfirvalda í málinu. Þegar hann var spurður hvort hann væri stuðningsmaður íslensku þjóðfylkingarinnar kvað hann svo ekki vera.
Athugasemd Ragnars hefur eins og áður segir vakið óhug margra, þar á meðal Twitter. Árás var gerð í nótt á tvær moskur í borginni Christchurch í Nýja Sjálandi og er nú talið að minnsta kosti 49 hafi látið lífið í árásunum. 20 til viðbótar eru alvarlega særðir.
Á Twitter hafa Íslendingar vakið athygli á þessum ummælum Ragnars. „Hér er sauðkræklingur sem fagnaði því þennan morguninn að um 50 manns var slátrað, þar á meðal var lítil stelpa sem var skotin í bakið,“ skrifar Halldór Högurður. Í athugasemdum er Ragnari lýst sem „íslenskum fasista á Sauðárkróki“.
Óskar Steinn Jónínuson Ómarsson, fyrrverandi ritari Samfylkingarinnar, gerir tilraun á Twitter til að vekja athygli lögreglu á athugasemdum Ragnars. „Gróf brot á ákvæði almennra hegningarlaga um hatursorðræðu. Bókstaflega verið að hvetja til ofbeldisverka,“ skrifar Óskar.
Sveinn Andri Sveinsson lögmaður kallar eftir því á Facebook greiningardeild lögreglunnar setji hann og aðra sem tala með sama hætti á skrá. Sveinn Andri segir:
„Í kjölfar hinna skelfilegu hryðjuverka í Nýja Sjálandi þar sem meðal annars smábörn voru skotin í bakið ryðjast á ritvöllinn fólk á Íslandi með svartar sálir sem taka þessum drápum á saklausu fólki fagnandi. Greiningardeild lögreglunnar þarf að setja þessa einstaklinga á skrá sem hættulega umhverfi sínu.“
DV gerði eins og áður segir tilraun til að fá nánari útskýringu frá Ragnari og fyrst þegar hann var spurður út í ummælin svaraði hann: „Ég hef ekkert við þig að tala,“ og skellti á blaðamann. Í síðara samtali sagði Ragnar: „Þetta er á misskilningi byggt. Ég var að fagna hversu vel gekk hjá lögreglu að handtaka manninn.“
Hér er sauðkræklingur sem fagnaði því þennan morguninn að um 50 manns var slátrað, þar á meðal var lítil stelpa sem var skotin í bakið. #frettir #saudarkrokur pic.twitter.com/CQfaMwtErA
— Halldór Högurður (@hogurdur) March 15, 2019
Gróf brot á ákvæði almennra hegningarlaga um hatursorðræðu. Bókstaflega verið að hvetja til ofbeldisverka. @logreglan pic.twitter.com/lJN137T7Nl
— Óskar Steinn ?️? (@oskasteinn) March 15, 2019
Ísland í dag. Þetta hræðir mig. Í alvöru. pic.twitter.com/Y0nzXpztrL
— Elísa Tryggvadóttir (@edvt78) March 15, 2019
Ég, í minni barnalegu einfeldni, hélt að meira að segja rasistarnir myndu átta sig á að það að skjóta saklaust fólk á færi væri kannski helst til of langt gengið. Nei nei. https://t.co/hywKyGmGn6
— Ævar FÉLAGSvísindamaður (@thorolfsson) March 15, 2019
Þetta ætti að útskýra af hverju það er ÖMURLEG hugmynd að þrengja löggjöf um hatursorðræðu. Meiðandi og hatursfull ummæli kynda undir hatri og ofbeldi og fólk sem verður fyrir þeim á að njóta verndar. https://t.co/DgpixfP3xn
— Vala Jónsdóttir (@valawaldorf) March 15, 2019