Maður hefur verið dæmdur í 30 daga fangelsi við Héraðsdóm Norðurlands eystra fyrir húsbrot og eignaspjöll. Í maí 2018 ruddist maðurinn inn í íbúð með því að sparka hurð inn í íbúðina úr sameign hússins. Síðan sparkaði hann upp hurð inn í hjónaherbergið í íbúðinni. Báðar hurðirnar skemmdust.
Hinn ákærði mætti ekki fyrir dóminn þrátt fyrir að hafa verið birt fyrirkall. Engan sakarkostnað leiddi af málinu en maðurinn var dæmdur í 30 daga fangelsi.