fbpx
Mánudagur 20.maí 2019

DV - Frjáls og óháður miðill

Fréttir

Gagnrýna Sigríði: „Snýst um sómasamlegt samfélag þar sem subbur fá ekki endalaust að vaða uppi“

Erla Dóra Magnúsdóttir
Þriðjudaginn 12. mars 2019 16:10

Ekki missa af Helstu tíðindum dagsins í pósthólfið þitt

Lesa nánar

Mikil ólga og óánægja ríkir meðal Íslendinga í dag eftir að Mannréttindadómstóll Evrópu kvað upp dóm sinn um brot íslenska ríkisins á mannréttindasáttmálanum við skipan dómara við Landsrétt, sem og vegna tilkynningar Sigríðar Á. Andersen, dómsmálaráðherra, um að hún muni ekki segja af sér embætti.

Blaðamaður tók saman nokkur ummæli sem hafa fallið af þessu tilefni á Facebook í dag. Athuga ber þó að hér er engan veginn um tæmandi talningur að ræða, enda margir sem hafa skoðun á málinu. Meðal annars hefur verið boðað til mótmæla á Austurvelli síðar í dag vegna þessa.

Kristinn Hrafnsson, ritstjóri hjá Wikileaks,  er orðlaus eftir að lesa dóminn. „Þessi er svo svakalegur áfellisdómur að hann hlýtur að hafa alvarlegar pólitískar afleiðingar.“

Logi Einarsson, þingmaður Samfylkingarinnar, bendi á að áður hafi verið lýst yfir vantrausti á dómsmálaráðherra, án árangurs.

Jón Þór Ólafsson, þingmaður Pírata, telur að ráðherra eigi að segja af sér : „Þegar ráðherra dómsmála klessukeyrir heilt dómsstig með lögbrotum sem hún var vöruð við – þá þarf hún að fara.“

Þórhildur Sunna Ævarsdóttir, þingkona Pírata, segir að brotið sé svívirðilegt „Hefur Mannréttindadómstóll Evrópu úrskurðað svívirðilegt brot á lögum um skipan dómara sem brjóti gegn aðalinntaki og  og efni skyldunnar um löglega skipaða dómara.“

Illugi Jökulsson, blaðamaður, hvetur fólk til að mæta á Austurvöll í dag. „Mælirinn er löngu fullur. Þetta snýst ekki um flokkapólitík, þetta snýst um sómasamlegt samfélag þar sem subbur fá ekki endalaust að vaða uppi.“

Vilhjálmur Þorsteinsson, hugbúnaðarhönnuður, segir Sigríði fela sig á bak við æviráðningu dómara.

„Sem sagt, það er hægt að brjóta lög og mannréttindasáttmála til að koma „rétta fólkinu“ að í dómaraembætti og svo er bara ekkert hægt að gera meira í því. „Ég á’edda, ég má’edda. Sem sagt, það er hægt að brjóta lög og mannréttindasáttmála til að koma „rétta fólkinu“ að í dómaraembætti og svo er bara ekkert hægt að gera meira í því. „Ég á’edda, ég má’edda.“

Fyrrverandi dómsmálaráðherra, Björn Bjarnason, skrifaði færslu á vefsíðu sinni um málið þar sem hann gagnrýnir niðurstöðu dómstólsins fyrir að hafa ekki tekið afstöðu til þess hvaða áhrif dómurinn gæti hafið að landsrétti. Hins vegar uppfærði hann færslu sína eftir að lesa hugvekju Davíð Þórs Björgvinssonar, fyrrverandi dómara við Mannréttindadómstólinn og núverandi dómari í Landsrétti, en Davíð telur að stöðu dómara Landsréttar verði ekki haggað, þeir sem ekki uni því geti óskað eftir endurupptöku.

Birgir Ármannsson, þingflokksformaður Sjálfstæðisflokksins, segir niðurstöðu minnihluta Mannrétindadómstóls mun skýrari en meirihlutans.  Hann telur dóminn ekki veikja stöðu Sigríðar, áður hafi verið tekin afstaða til þess hvort hún skuli segja af sér og engar nýjar upplýsingar liggi fyrir í dag.

„Ég geri ráð fyr­ir að dóm­ur­inn starfi áfram með eðli­leg­um hætti þó að menn geri kannski hlé á ein­stök­um rétt­ar­höld­um á meðan menn eru að fara yfir niður­stöður dóms­ins.“ 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 17 klukkutímum

Simmi ósáttur við Hatara

Simmi ósáttur við Hatara
Fréttir
Fyrir 17 klukkutímum

Lá í götunni á Mosfellsheiði

Lá í götunni á Mosfellsheiði
Fréttir
Í gær

Hrosshræið í Saltvík hefur verið fjarlægt – „Þetta mál hefur komið mjög illa við mig og fjölskyldu mína“

Hrosshræið í Saltvík hefur verið fjarlægt – „Þetta mál hefur komið mjög illa við mig og fjölskyldu mína“
Í gær

Spurning vikunnar: Í hvaða sæti hafnar Ísland í Eurovision?

Spurning vikunnar: Í hvaða sæti hafnar Ísland í Eurovision?
Fréttir
Fyrir 2 dögum

Talið að bílstjóri Strætó hafi fengið flog – Missti meðvitund undir stýri

Talið að bílstjóri Strætó hafi fengið flog – Missti meðvitund undir stýri
Fréttir
Fyrir 2 dögum

Íslandspóstur mun rukka aukakostnað á sendingar – „Þessi ráðstöfun á eftir að valda einhverri óánægju“

Íslandspóstur mun rukka aukakostnað á sendingar – „Þessi ráðstöfun á eftir að valda einhverri óánægju“