Leikstjórinn og framleiðandinn Garðar Örn Arnarson (Körfuboltakvöld og Seinni bylgjan á Stöð 2) er hundóánægður með tilnefningar til Eddunnar í ár sem tilkynntar voru í dag. Garðar skrifar á Twitter:
„Það er bara í alvöru verið að tilnefna Krakkafréttir, Áramótaskaup, Kiljuna, Stundina okkar og Með okkar augum 10. árið í röð? Annaðhvort erum við (Ísland) að framleiða hræðilegt sjónvarp eða sama fólkið er í valnefnd 10 ár í röð. Og ég veit að fyrri valmöguleikinn er ekki réttur þannig.“
Garðar segir að margt gott efni hafi verið framleitt bæði á Stöð 2 og RÚV í ár sem ekki hafi fengið náð fyrir augum íhaldssamrar valnefndar. Hann skrifar:
„Fullt af góðu stöffi frá RÚV sem ekki fékk tilnefningu í ár. Sama með Stöð 2, fullt af góðu þar sem ekki var tilnefnt. Nota bene: Enginn biturleiki hér þar sem ég sendi ekkert inn í ár en ég sá allt sem var sent inn og margt frá báðum stöðvum töluvert betra en það sem er tilnefnt.”
Að lokum segir Garðar:
„Hef ekkert a móti þessum þáttum sem ég nefndi. Flottir þættir. En punkturinn er sá að þetta er ekki í þeim klassa að þetta séu allt bestu 3 þættir ársins í 10 ár í röð!“