Laust eftir hádegi í dag var tilkynnt um þjófnað úr bíl erlendra ferðamanna í miðbænum. Voru teknir persónulegir munir og farangur. Þetta kemur fram í dagbók lögreglu en þar fer engum sögum af því hvort málið sé leyst eða hvernig rannsókn miði.
Einnig segir frá því að höfð voru afskipti af konu vegna skemmdarverka en það er ekki nánar útlistað.
Um hálfþrjúleytið var tilkynnt um eld í ruslageymslu miðsvæðis og var eldurinn minniháttar, slökkvistarf tók fljótt af.
Í Hafnarfirði og Garðabæ var tilkynnt um tvö innbrot í bíla og eitt í nýbyggingu.
Í Grafarvogi voru karl og kona handtekin vegna gruns um þjófnað og vistuð í fangageymslu sökum rannsóknar.