Lögreglan á höfuðborgarsvæðinu handtók karlmann í annarlegu ástandi við Háaleitisbraut í hádeginu. Í skeyti frá lögreglu kemur fram að maðurinn sé grunaður um að hafa sparkað í bifreið og í framhald af því gengið í skrokk á ökumanninum, ungri konu. Að sögn lögreglu virðist árásin hafa verið algjörlega tilefnislaus.
Unga konan var flutt á slysadeild til skoðunar en sem betur er eru meiðsli hennar ekki sögð alvarleg. Árásarmaðurinn var vistaður í fangaklefa á meðan frekari rannsókn fer fram og hann verður hæfur til skýrslutöku.