Mikill erill var hjá lögrelgunni í gærkvöld og nótt, voru yfir 80 mál skráð hjá henni og 9 vistaðir í fangageymslu, að því er kemur fram í dagbók lögreglunnar.
Laust eftir miðnætti var tilkynnt um drukkinn mann sem hafði skemmt skilti á skyndibitastað í miðbænum og síðan hlaupið í burtu. Lögreglan fann hann skömmu síðar og handtók. Vegna ástands og dólgsláta var maðurinn vistaður í fangageymslu.
Klukkan ellefu í gærkvöld voru tveir karlmenn á þrítugsaldri handteknir í hverfi 105 grunaðir um sölu og dreifingu fíkniefna. Voru þeir vistaðir í fangageymslu.
Um áttaleytið í gærkvöld var erlendur karlmaður handtekinn í Garðabæ grunaður um þjófnað í verslun. Hann framvísaði einnig fölsuðum skilríkjum og var vistaður í fangageymslu.
Auk þess voru margir ökumenn, karlar og konur, grunuð um ölvun við akstur eða akstur undir áhrifum fíkniefna