fbpx
Mánudagur 18.mars 2019

DV - Frjáls og óháður miðill

Fréttir

Víðtæk leit stendur yfir að Jóni Þresti í Dublin

Ágúst Borgþór Sverrisson
Laugardaginn 16. febrúar 2019 14:23

Ekki missa af Helstu tíðindum dagsins í pósthólfið þitt

Lesa nánar

Fréttatilkynning hefur borist frá fjölskyldu Jóns Þrastar Jónssonar sem hvarf í Dublin fyrir viku síðan. Ekkert hefur spurst til Jóns í viku en framundan eru mikilvægir dagar í leitinni. Notast er við upptökur úr eftirlitsmyndavélum og þyrlu við leitina. Íslenskir sjálfboðaliðar hafa flogið til Dublin til að taka þátt í leitinni. Fréttatilkynningin er svohljóðandi:

 

Fjölskylda Jóns Þrastar Jónssonar þakkar þann hlýhug og stuðning sem borist hefur síðustu daga vegna hvarfs hans í Dublin laugardaginn 9. febrúar s.l. 

Garda, lögreglan í Dublin, vinnur hörðum höndum að því að leita vísbendinga um ferðir Jóns og hefur að mestu þurft að styðjast við myndavélar (CCTV) og ábendingar frá almenningi við rannsókn málsins. Framundan eru mikilvægir dagar í leitinni að Jóni sem ekki hefur spurst til í eina viku. Leitað hefur verið með aðstoð þyrlu og leitarhunda á þeim stöðum sem Jón var talinn vera eða hafa farið um, en sú leit hefur enn sem komið er ekki borið árangur. Garda, lögreglan í Dublin, hefur verið einstaklega fagmannleg við rannsókn málsins og gert allt sem í hennar valdi stendur til að finna Jón.

Fjölskylda Jóns, sem stödd er Dublin, hefur unnið með lögreglu að leitinni og í samráði við hana ákveðið að skipuleggja leit með aðstoð sjálfboðaliða. Á Írlandi eru ekki til skipulagðir hópar á borð við björgunarsveitir sem leita fólks í þéttbýli og lögregla tekur ekki þátt í leit af þessu tagi. Því þarf fjölskyldan að skipuleggja leitina og finna sjálfboðaliða á eigin spýtur. Nú þegar hafa vinir Jóns frá Íslandi brugðist við og flogið til Dublin til aðstoða við leitina. Þá hefur fjölskyldan fengið aðstoð frá reynslumiklu leitarfólki við skipulag leitarsvæða. Send hefur verið út fréttatilkynning á írska fjölmiðla til að óska eftir aðstoð almennings, en leitin hefst í dag, laugardaginn 16. febrúar og er áætlað að hún muni standa næstu daga.

Fjölskyldan biðlar til almennings um að hald áfram að dreifa mynd og lýsingu af Jóni sem birt hefur verið á Facebook síðu lögreglunnar í Dublin  . Sérstaklega er mikilvægt að skilaboðum sé beint til íbúa Dublin þar sem hann er talinn vera. Borist hafa ábendingar frá almenningi sem verið er að fylgja eftir og því er mikilvægt að ná sem mestri dreifingu á mynd og lýsingu á Jóni.

Þeim sem vilja leggja af mörkum til leitarinnar með einhverjum hætti er bent á að hafa samband á netfangið findjonindublin@gmail.com <mailto:findjonindublin@gmail.com> .

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 3 dögum

Hefur þú séð Lily ? – Rænt fyrir utan Super 1 á Hallveigarstíg

Hefur þú séð Lily ? – Rænt fyrir utan Super 1 á Hallveigarstíg
Fréttir
Fyrir 3 dögum

Skotárásin í Christchurch með augum pólítískra skopmyndateiknara

Skotárásin í Christchurch með augum pólítískra skopmyndateiknara