Lögreglan á Suðurnesjum segir í fréttatilkynningu að hún hafi undanfarna daga langt hald á talsvert magn fíkniefna. Annars vegar vegna húsleitar og hins vegar vegna túrista sem kom með mikið magn kannabisolíu til landsins.

Í húsleitinni var meðal annars lagt hald á amfetamín, kókaín, e-töflur, hass og mikið magn lyfseðilsskyldra lyfja. Í bifreið í eigu húsráðanda fannst einnig talsvert af efnum. Viðkomandi viðurkenndi eign sína á þeim og jafnframt að hafa stundað sölu á fíkniefnum og lyfjum.

Svo var það ferðamaðurinn. „Þá haldlagði lögregla tíu 200 millilítra flöskur með kannabisolíu í Flugstöð Leifs Eiríkssonar. Hafði erlendur ferðamaður komið með flöskurnar í farteski sínu til landsins og kvaðst ætla að taka olíuna inn sér til heilsubótar.  Hann hafði verið stöðvaður af tollgæslunni við komuna til landsins,“ segir í tilkynningu.