Á þriðja tímanum í nótt var akstur ökumanns stöðvaður í hverfi 105 í Reykjavík. Par, sem var í bifreiðinni, var handtekið en bifreiðin var eftirlýst stolin. Ökumaðurinn er grunaður um að hafa verið undir áhrifum fíkniefna.

Á fimmta tímanum í nótt var akstur ökumanns stöðvaður í Breiðholti. Tveir ungir menn, 16 og 17 ára, voru í bifreiðinni. Þeir hlupu á brott en náðust skömmu síðar. Þeir höfðu báðir verið að aka bifreiðinni en hvorugur þeirra er með ökuréttindi. Annar þeirra er einnig grunaður um að hafa verið undir áhrifum fíkniefna.

Einn ökumaður var handtekinn í nótt grunaður um ölvun við akstur og annar var handtekinn grunaður um að vera undir áhrifum fíkniefna.