fbpx
Mánudagur 18.mars 2019

DV - Frjáls og óháður miðill

Fréttir

Samtök ferðaþjónustunnar fordæma svindlið hjá ProCar: Varpar skugga á allar bílaleigur á landinu

Ágúst Borgþór Sverrisson
Miðvikudaginn 13. febrúar 2019 17:56

Ekki missa af Helstu tíðindum dagsins í pósthólfið þitt

Lesa nánar

Samtök ferðaþjónustunnar hafa brugðist við tíðindum af framferði bílaleigunnar ProCar þar sem tíðkaðist um skeið að færa niður kílómetrastöðu bíla áður en þeir voru seldir og blekkja þannig kaupendur. Samtök ferðaþjónustunnar segja að þetta varpi skugga á starfsemi allra bílaleiga á landinu og vilja að gerð verði eftirlitsúttekt á ástandinu til að eyða óvissu. Fréttatilkynning Samtaka ferðaþjónustunnar um málið er eftirfarandi:

 

Samtök ferðaþjónustunnar fara fram á eftirlitsúttekt til að eyða óvissu um sölu notaðra bílaleigubíla.

Í fréttaskýringarþættinum Kveik sem sjónvarpað var á RÚV í gærkvöld kom fram að bílaleigan ProCar ehf. hafi átt við kílómetrastöðu á bílaleigubílum áður en þeir voru seldir á almennum markaði. Forsvarsmenn umræddrar bílaleigu hafa þegar gengist við brotunum í yfirlýsingu. Er ljóst að um víðtæk brot er að ræða sem snúa að fjölda bíla um nokkurra ára bil.

Samtök ferðaþjónustunnar fordæma umrædd brot og árétta að auk þess að blekkja og brjóta alvarlega á rétti einstaklinga og lögaðila sem í góðri trú hafa keypt notaða bíla af viðkomandi bílaleigu, skekkir slík brotastarfsemi samkeppnisstöðu bílaleiga í landinu.

SAF árétta að innan raða samtakanna starfar fjöldi bílaleiga sem stunda ábyrgan og heiðarlegan atvinnurekstur. Ólíðandi er að brot eins fyrirtækis varpi óréttmætum skugga á allar bílaleigur í landinu. Samtök ferðaþjónustunnar standa fyrir fagmennsku og gæði og líða ekki brot sem þessi.

Umrædd bílaleiga er aðili að SAF. Í ljósi alvarleika málsins hefur stjórn SAF ákveðið einróma að vísa fyrirtækinu úr samtökunum á grundvelli 5. gr. laga SAF þar sem segir að Stjórn SAF geti vikið félaga úr samtökunum „vegna alvarlegs brots gegn lögum samtakanna, landslögum eða venjum er varða góða viðskiptahætti.“

Ennfremur leggja SAF og fulltrúar bílaleiga innan samtakanna mikla áherslu á að stjórnvöld og eftirlitsaðilar hlutist til um að gerð verði eftirlitsúttekt hjá öllum bílaleigum sem hafa starfsleyfi, með tilviljanakenndu úrtaki innan hverrar bílaleigu. Þar verði kannað hvort samningar um sölu á bílum í eigu bílaleiga séu í samræmi við kílómetratalningu í leigusamningum. Slíkt eftirlit þarf að eiga sér stað eins fljótt og verða má með það að markmiði að eyða allri óvissu sem kann að ríkja um sölu á notuðum bílaleigubílum.

SAF munu hér eftir sem hingað til vinna að því að bæta rekstrarumhverfi fyrirtækja, fagmennsku og gæði í ferðaþjónustu á Íslandi.

Reykjavík, 13. febrúar 2019

Stjórn Samtaka ferðaþjónustunnar

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Ragnar Pétur reiður: Leikskólakennara grýtt úr landi – „Er svo svekktur yfir því þjóðfélagi sem við búum í“

Ragnar Pétur reiður: Leikskólakennara grýtt úr landi – „Er svo svekktur yfir því þjóðfélagi sem við búum í“
Fréttir
Fyrir 2 dögum

Hjónabandið tóm leiðindi: Gefum örvandi lyf svo fólk geti einbeitt sér að snjalltækjum – Þunglyndislyf til að fólki leiðist ekki

Hjónabandið tóm leiðindi: Gefum örvandi lyf svo fólk geti einbeitt sér að snjalltækjum – Þunglyndislyf til að fólki leiðist ekki
Fókus
Fyrir 2 dögum

5 sem hefðu getað tekið við sem dómsmálaráðherra

5 sem hefðu getað tekið við sem dómsmálaráðherra
Fréttir
Fyrir 3 dögum

Skotárásin í Christchurch með augum pólítískra skopmyndateiknara

Skotárásin í Christchurch með augum pólítískra skopmyndateiknara
Fréttir
Fyrir 3 dögum

Leitin að Jóni: „Hefur þú séð bróður minn?“ – Munu ekki gefast upp

Leitin að Jóni: „Hefur þú séð bróður minn?“ – Munu ekki gefast upp