fbpx
Föstudagur 22.mars 2019

DV - Frjáls og óháður miðill

Silfur Egils

Fallinn strompur

Fréttir

Írska lögreglan birtir nýja tilkynningu um hvarf Jóns Þrastar – Fjölskyldan í áfalli

Ágúst Borgþór Sverrisson
Miðvikudaginn 13. febrúar 2019 15:34

Ekki missa af Helstu tíðindum dagsins í pósthólfið þitt

Lesa nánar

Írska lögreglan birti fyrir um tvöleytið í dag endurtekna tilkynningu um hvarf Jóns Þrastar Jónssonar en síðast sást til hans í hverfinu Whitehall í Dublin, kl. 11 á laugardagsmorgun. Svo virðist sem ekkert nýtt hafi komið fram í málinu en lögreglan birtir með tilkynningunni nýja og töluvert skýrari mynd af Jóni Þresti.

Tilkynningin, sem tæplega 100 manns höfðu deilt á Facebook er hún var klukkustundar gömul, er að öðru leyti nánast samhljóða fyrri tilkynningu um hvarf hans. Þar segir að Jón sé 6 fet á hæð sem jafngildir um 184 cm, meðalmaður vexti með stutt brúnt hár. Hann var í svörtum vatterðum jakka síðast er sást til hans.

Gefin eru upp símanúmerin 01 6664400 og 1800 666 111 fyrir þá sem kunna að hafa upplýsingar um málið til lögreglunnar.

Jón var staddur með unnustu sinni á hóteli í Dublin á laugardag en hann yfirgaf hótelið einn án þess að taka snjallsíma sinn með sér. Síðan hefur ekkert til hans spurst.

Aðstandendur Jóns héldu til Dublin í gær. Hvorki ættingjar hans né unnusta hafa viljað tjá sig um málið við fjölmiðla. Í tilkynningu sem fjölskyldan sendi fjölmiðlum í gær kom fram að fjölskyldan væri í áfalli en frábiði sér öll samskipti við fjölmiðla.

Borgaraþjónusta utanríkisráðuneytisisns hefur aðstoðað fjölskylduna í málinu. DV hafði samband við Svein H. Guðmarsson, fjölmiðlafulltrúa utanríkisráðuneytisins, og sagði hann að ráðuneytið vildi ekki tjá sig neitt um málið að öðru leyti en að staðfesta að borgaraþjónustan væri fjölskyldunni innan handar.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 13 klukkutímum

Ók ofan í húsgrunn – Gluggagægir læddist um Breiðholt

Ók ofan í húsgrunn – Gluggagægir læddist um Breiðholt
Fréttir
Fyrir 21 klukkutímum

Hissa á að Zidane sé mættur aftur

Hissa á að Zidane sé mættur aftur
Fréttir
Fyrir 2 dögum

Björgvin fékk hótunarbréf frá verkstjóranum: „Ég brotnaði á endanum saman“

Björgvin fékk hótunarbréf frá verkstjóranum: „Ég brotnaði á endanum saman“
Fréttir
Fyrir 3 dögum

Guðmundur segir að ungmenni sem nota rafrettur hafi flest reykt eða notað munntóbak

Guðmundur segir að ungmenni sem nota rafrettur hafi flest reykt eða notað munntóbak