Rúmlegar þrítugur hefur verið úrskurðaður í gæsluvarðhald vegna gruns um líkamsárás, nauðgun, hótanir, milligöngu um vændi, kaup á vændi og mansal. Þetta kemur fram í frétt hjá RÚV.
Öll brot mannsins beinast gegn sömu konunni en hann hefur áður reynt að drepa konuna.
Maðurinn neyddi hana til samræðis við annan mann gegn greiðslu og hirti síðan peninginn sem maðurinn borgaði. Hann barði konuna síðan þegar hún vildi ekki hafa samræði við annan mann sama dag.
Konan segir manninn hafi krafist þess að hún stundaði vændi til að fjármagna fíkniefnaneyslu hans.
Lögreglan lagði mikla áherslu á að maðurinn yrði úrskurðaður í gæsluvarðhald þar sem hann er talinn geta verið lífshættulegur. Konan segist óttast manninn og er hrædd um að hann skaði hana eða börn hennar.
Gæsluvarðhaldsúrskurðurinn gildir til föstudagsins 13. desember.
