Dómurinn var kveðinnn upp í Héraðsdómi Reykjavíkur en þar kemur fram að þrír menn hafi verið ákærðir fyrir að hafa nauðgað stúlkunni. Þar kemur einnig fram að mennirnir hafi verið þrír en þriðji maðurinn var sýknaður sökum skorts á sönnunum. Sá maður var nær stúlkunni í aldri, eða 18 ára gamall.
Stúlkan kynntist þessum 18 ára manni sem sagðist ætla að skutla henni heim úr bænum en vinir hennar höfðu þegar farið heim. Hún fór því í bifreið með honum en hann fór ekki með hana heim heldur enduðu þau í fjölbýlishúsi með 18 ára manninum og þeim Lukasz og Tomasz. Þar var henni nauðgað. Sögðu mennirnir fyrir dómi að þeir hafi ekki gert sér grein fyrir aldri stúlkunnar en í dómnum segir að þeim hafi átt að vera fullljóst að stúlkan hafi verið 16 ára gömul.
Auk fangelsisvistarinnar er þeim Lukasz og Tomasz báðum gert að greiða stúlkunni 1,3 milljónir í miskabætur, samtals 2,6 milljónir. Þeim var einnig gert að greiða málsvarnarlaun verjenda sinna, samtals 4,5 milljónir. Auk þess er þeim gert að greiða um 2 milljónir í sakarkostnað og þóknun réttargæslumanns stúlkunnar.
